قصة شعريه تحزن و تصيح اناعن نفسي صحت

عزاء ليله زفـــــــــــــــــــــــــــاف

بطلته سحرٍ عجيب يلف راس كل من يشوفه الطبع شهم والأصل طيب سبحان من كمل وصوفه
حبه تربع بالحشى من عمري توه كان صغير وفي دربه قلبي كم مشى ولا يزال يواصل المسير
كل يوم اقوم مع الطيور لأجل اصبح بوجهه الصبوح بنظرته احلى فطور واحلى شذى بصبحه يفوح مرت علينا السنين أكبر وحبي له يزيد شوقي كبر وزاد الحنين ومااشوفه الا من بعيد
مو بس انا كل البنات عنه هم دوم يسولفون من كتر ماهم معجبات لامر كلهم يسكتون
بس هوكان طبعه تقيل مايعطي وجه لهم ابد وقلبه لي وحدي يميل وعطاني بصمته وعد
كنت انتظر وقت الوعد متى يجي لدارنا وافرح بقربه وانسعد زيصير هلي مو جارنا
فجأه تغير صاحبي!ماصار يمر نفس الطريق ومن غيبته وشصاربي أشغل بقلبي نارحريق
بدمعي ارسلت حروفي تبكي وتشكي حالتي وأساله وشني هالظروف وأرجوه يرد على رسالتي
ماجاني منه اي جواب ولاكنه لمرسولي قرا رحت اسأل ناس منه قراب قالوا سافر ولك ماطرا
بكيت دم من حسرتي وحلم السنين اللي انهدم وشكيت منه لدنيتي ومن قلبه اللي انعدم
لملمت جرحي العميق ودفنته بتراب القهروقلت من حبه بفيق ومن تسليته بطول العمر
هجرنا البيت القديم لجل اهجر الذكرى معاه واداوي الجرح الاليم اللي بادينه هورعاه
مرت سنه كنها سنين كنها عمر كنها دهر وبداخلي شكوى وانين والآم من طول السهر
قررت اهنجر حظي التعيس وادور للقلب العلاج ووافقت على احسن عريس وعجلت بأمور الزواج
وقرب موعد حفلتي والكل كان فرحان و سعيد وانا لوحدي بغرفتي ابكي على حبي البعيد
واناظر حولي الشموع واصوات فرح وزغرده ومن داخلي تنزف دموع واسمع بقلبي له صدا
وبراسي افكارتدور كيف اللي حبني لي هجر تمر آيام وشهور لاسوأل منه
قررت اختم قصتي واكلمه مره اخيره قلت لازم اني اقهره واحسسه بذنبه معاي
وقلبه هاليله اسهره وعذبه بذنبي ودعاي دقيت واني منبعده بعيش وهوا مو آاخر مناي
وبلاقي احسن منه عريس وبقربه يتحقق هناي دقيت وقلبي بسرعه دق وحقد وشوق فيني اختلط
شوي اقسى شوي ارق واحس سواتي شي غلط تكلمت وايدي ترتجف وجاني الرد صوتٍ غريب
عن صوت حبيبي مختلف ابي فلان لوسمحت بسرعه ودي اكلمه وبصوتي المخطوف قلت
خبر حلوبعلمه رد بعجب:انتي مين!وليش عنه جيتي تسالين!لوهومزح لاتمزحين ردي بسرعه وشتبين
قلت بصرااخ هووين؟لسه مسافر أورجع؟قله فلانه بكلمتين تبيك وخطي بينقطع صابه اسمي بذهول وبصدمه
ردوهوحزين انتي فلانه!!!وشأقول توك عنه تسألين!؟ دمي نشف وقلت له:ارجوك قولي انته مين؟
وصرت منه ارتجف بسرعه قول وقتي ثمين كمل حكيه:انااخوه واقرب صديق ومنه عنك ياكم سمعت
وكم قال لي انه يبيك ومن شوقه عيونه دمعت تمناك له ودربه معاك يكمله
بس الله له حاله ماكان يجمله فجأه علينا هو تعب ولعلته مابه شفى وياحاله مره صار صعب وسافر عن
الكل واختفى ووسط المرض وبين الآلام قرر يخليك بلا وداع وبتنساني قال مع الأيام وتظنني شخصا خداع
ورغم الوجع كان يذكرك ويدعي لك بالحظ الجميل وخوفه لاموته يفجعك أو دمعتك لجله تسيل
واليوم جيتي وهو...راح وآخرةصيه يرتجيك من قلبك يطلبك السماح لوقصر عمره انه يجيك
وفجأه!سكت وماعاد سمعت غير شهقته وروحي بقت وسط لآلم وسط الجرح وكلي آهآت وذهول
ورجلي مشت وسط الفرح وسط الصوات الطبول كلهم وراي يمشون ولي يزفون
وامشي بعزاي وانتظرهم يدفنون ياطرحتي صارت كفن"يافرحتي اليوم تندفن
قلبي اللي مات وهو بسكات خلاني وراح بعده رفااااااااااات

م
ن
ق
و
ل